ეკონომიკური განათლების პროგრამაში მონაწილეობა შეუძლია ეკონომიკით დაინტერესებულ ნებისმიერ პირს.
მიღება ცხადდება სემესტრულად, წელიწადში ორჯერ და ემთხვევა სასწავლო პროცესის დაწყებას, შესაბამისად, სექტემბრის I კვირასა და თებერვლის I კვირაში.
დაინტერესებულმა პირებმა უნდა გაიარონ შემდეგი ეტაპები:
აპლიკაციის ფორმა
აპლიკაციის ფორმა შეგიძლიათ მოიპოვოთ საეა-ს ოფისში ან ვებ-გვერდზე www.economists.ge. შევსებული აპლიკაციის ელ-ვერსია გამოგზავნეთ ელ-ფოსტით მისამართზე eep@economists.ge, ან მობრძანდით ოფისში ყოველ დღე შაბათ-კვირის გარდა, 12-დან 6 საათამდე. მისამართი: ორბელიანის ქ. #35 ტელეფონი: (+995 32) 92 28 39; 99 04 43.
მონაწილეობის მსურველებმა თან უნდა იქონიონ პირადობის დამადასტურებელი მოწმობა!
რეგისტრაცია
თითოეული შევსებული აპლიკაცია რეგისტრირდება ერთიან ბაზაში და ენიჭება უნიკალური შვიდნიშნა კოდი. რეგისტრაციის შემდეგ აპლიკანტი იღებს რეგისტრაციის დამადასტურებელ ბარათს, სადაც მითითებულია ტესტირების თარიღი და დრო.
ტესტირება
ტესტი მოიცავს ზოგადი უნარების შესაფასებელ კითხვებს და ფასდება ქულებით (კითხვები არის დახურული ფორმით), კითხვათა რაოდენობა არ აღემატება 20-ს. ტესტირება ტარდება საათში ერთხელ და ხანგრძლივობაა 15 წუთი.
ტესტირებაზე არ დაიშვება აპლიკანტი დაგვიანების, ერთიან ბაზაში არყოფნის ან პირადობის დამადასტურებელი მოწმობის არქონის შემთხვევაში!
თანადაფინანსებადი ტრენინგები
იმ აპლიკანტებს, რომლებიც ვერ დააგროვებენ გამსვლელ ქულას უფასო ტრენინგზე, ვთავაზობთ თანადაფინანსებით ტრენინგებზე რეგისტრაციას. ტრენინგის ღირებულება რანჟირებულია ტესტში მიღებული შედეგის მიხედვით და თანხა განისაზღვრება 30-დან 100 ლარამდე.
თანადაფინასებით კურსზე მოხვედრისათვის აპლიკანტმა უნდა გაიაროს ხელახალი რეგისტრაცია.
ხელახალი რეგისტრაციის გამოცხადებიდან 2 კვირის ვადაში აპლიკანტს შეეძლება რეგისტრაცია
რა შემთხვევაში გაიცემა სერტიფიკატი?
მსმენელთა სერტიფიცირება ხდება საბოლოო შეფასების საფუძველზე, რომელიც ითვალისწინებს როგორც საბოლოო, ასევე შუალედურ შეფასებებს.
სერტიფიკატი გაიცემა მხოლოდ იმ შემთხვევაში, თუ მისი საბოლოო შეფასება აკმაყოფილებს წინასწარ დადგენილ პარამეტრებს:
საბოლოო შეფასება (%)
სერტიფიკატის ხარისხი
განმარტება
50-69
არ გაიცემა
მოისმინა
70-79
სერტიფიკატი C
გაიარა
80-89
სერტიფიკატი B
წარმატებით გაიარა
90-100
სერტიფიკატი A
განსაკუთრებული წარმატებით გაიარა
წარმატებულ კურსდამთავრებულებს რეკომენდაცია გაეწევათ გაიარონ 3-თვიანი სტაჟირება საქართველოს ახალგაზრდა ეკონომისტთა ასოციაციაში. ისინი ჩართულები იქნებიან ასოციაციაში მიმდინარე სხვადასხვა აქტივობებში.
