„ახალგაზრდების სამეწარმეო შესაძლებლობების მხარდაჭერა საქართველოში“ საქართველოს ახალგაზრდა ეკონომისტთა ასოციაციის შვილობილი კომპანიის „ბიზნეს საკონსულტაციო ქსელი საქართველო“-ს პროექტია, რომელიც ესტონეთის საგარეო საქმეთა სამინისტროსა და ამერიკის შეერთებული შტატების სახელმწიფო დეპარტამენტის მიერ არის დაფინანსებული. აღნიშნული პროექტის ფარგლებში  კომპანია „sky lantern” - მა მოიპოვა დაფინანსება.

“საეა-ს საგრანტო კონკურსის შესახებ ინფორმაცია მივიღე მეგობრისგან. მონაწილეობა გადავწყვიტე იმიტომ რომ მჭირდებდა სახსრები ჩემი ბიზნესის გასაფართოვებლად და მარაგების შესავსებად. თავიდან მხოლოდ „ფრანების“ გაყიდვით ვიყავი დაკავებული, მეორე თვეს გავაორმაგე პროდუქციის რაოდენობა, შემდეგ გავასამმაგე, შემდეგ ფრანებს  დაემატა სანთლები, ფეიერვერკი, სასცენო მომსახურებები და ასე შემდეგ, მესამე წელს კი რებრენდინგი გავაკეთე, შევცვალე საიტის ლოგო. მეხუთე წელს როგორც იქნა გავხსენი მაღაზია...  საეა-ს გრანტმა საშუალება მომცა შემესყიდა კონკრეტული პროდუქცია და გამეკეთებინა 6 – 7 თვის მარაგი, რაც იმ პერიოდისთვის ჩემთვის ძალიან მნიშვნელოვანი ხელშეწყობა იყო. ჩვენს კლიენტებს შორისაა: ბიბლუსი, დელფოსი, ეკონომ მიქსი, თიბისი ბანკი, თავისუფალი უნივერსიტეტი, თბილისის საკრებულო,  მძლეოსნობის ფედერაცია, კურაციო, ემ გრუპი, ესტონეთის საელჩო და სხვა მრავალი.

იდეის განხორციელების სურვილი 17 წლის ასაკში გამიჩნდა და სანამ სკოლას დავამთავრებდი დავიწყე იდეის დახვეწაზე მუშაობა, როგორც კი მოვრჩი სკოლას და ჩავაბარე, პარალელურად დავიწყე ბიზნესი, ყოველგვარი ბიზნეს გეგმების და გათვლების გარეშე, იმიტომ რომ უბრალოდ მჯეროდა.

ერთადერთი კომპანია სადაც მოუსმინეს ჩემს იდეას იყო საეა. ეს არის გამოცდილი ადამიანებისგან დაკომპლექტებული ძალიან მეგობრული გუნდი რომელიც აძლევს ახალგაზრდებს საკუთარი სურვილების და მიზნების განხორციელების საშუალებას. შესაბამისად ყველას ვურჩევდი თქვენთან მოსვლას და ტრენინგზე დასწრებას.“

გიორგი გრიგალაშვილი

 დამფუძნებელი