21-23 იანვარი, 2016. USAID-ის „მმართველობა განვითარებისათვის“ (G4G)-ის საგრანტო პროგრამის „ქალთა გაძლიერება ბიზნესში“ ფარგლებში საქართველოს ახალგაზრდა ეკონომისტთა ასოციაციამ ჩაატარა სამდღაიანი სემინარი ქალთა მონაწილეობით ადვოკატირებისა და საჯარო და კერძო სექტორებს შორის დიალოგის თემაზე. სემინარებში მონაწილეობას იღებდა ოცამდე მეწარმე ქალი როგორც თბილისიდან ისე რეგიონებიდან. სემინარის ძირითადი საკითხები იყო: ადვოკატირების მთავარი ელემენტები, მისი მესიჯის ფორმულირება და გადაცემა, კორპორაციული სოციალური პასუხისმგებლობა, საჯარო და კერძო სექტორებს შორის დიალოგის მთავარი მახასიათებლები, საქართველო-ევროკავშირს შორის ასოცირების შესახებ შეთანხმების (AA) ღრმა და ყოვლისმომცველი თავისუფალი ვაჭრობის სივრცის (DCFTA) მოთხოვნები.