9 ივლისიდან - 21 ივლისის ჩათვლით საქართველოს ახალგაზრდა ეკონომისტთა ასოციაციამ პროექტის ”ქალები, როგორც აქტორები ცვლილებებისა და გაძლიერებისთვის” ფარგლებში ჩაატარა 5 ფოკუს-ჯგუფის შეხვედრა ადგილობრივ ქალებთან პროექტის სამიზნე რეგიონებში: კახეთში, სამცხე-ჯავახეთში, იმერეთსა და მცხეთა-მთიანეთში. შეხვედრები ჩატარდა სოფლებში - ლელიანი, ციხისჯვარი, ტოლოში, შუქრუთი და მაღაროსკარი.

ფოკუს-ჯგუფი მიზნად ისახავდა ზემოთხსენებულ სოფლებში მცხოვრები ქალების ეკონომიკური საჭიროებებისა და პრიორიტეტების გამოვლენასა და შესწავლას. შეხვედრებს ესწრებოდა თემში მცხოვრები აქტიური ქალები, (თითოეულ შეხვედრას 10 მონაწილე - ჯამში 50 მონაწილე) და ფასილიტაციას უწევდა საეა-ს მკვლევარი ფოკუს-ჯგუფის მოდერატორი. შეხვედრებზე ქალებმა ისაუბრეს მათთვის ყველაზე აქტუალურ და მნიშვნელოვან საკითხებზე, როგორიცაა:

· დაბრკოლებებსა და გამოწვევებზე საოჯახო სამეწარმეო საქმიანობაში;
· საბანკო მომსახურებებსა და კრედიტებზე ხელმისაწვდომობაზე;
· დასაქმების შესაძლებლობებსა და არსებულ პრობლემებზე;
· პრიორიტეტულ საკითხებზე რაშიც სასურველი იქნებოდა მათი ხელშეწყობა როგორც საგანმანათლებლო ასევე ფინანსური კუთხით.

ფოკუს-ჯგუფის შეხვედრები ემსახურება პროექტის ფარგლებში განხორციელებული საველე რაოდენობრივი კვლევის თვისობრივ ანალიზს.

პროექტი ხორციელდება ამერიკის შეერთებული შტატების განვითარების სააგენტო - USAID-ის ფინანსური მხარდაჭერით.