2017 წლის 15 დეკემბერს კვლევის ანგარიშის „საქართველოში ფერმერთა კოოპერირების ხელშეწყობის სახელმწიფო პოლიტიკის შეფასება” პრეზენტაცია გაიმართა.  

კვლევა განხორციელდა საქართველოს ახალგაზრდა ეკონომისტთა ასოციაციას მიერ,  საქველმოქმედო ჰუმანიტარულ ორგანიზაციასთან - ,,People in Need" თანამშრომლობით.

კვლევა წარმოადგენს იმერეთისა და რაჭის რეგიონში კოოპერირების ხელშეწყობის სახელმწიფო პოლიტიკის შეფასებას ფერმერთა შეხედულებებზე დაყრდნობით. კვლევის შედეგები ასახავს ისეთ საკითხებს როგორებიცაა:  კოოპერატივების განვითარების არსებული მდგომარეობის შეფასება; ფერმერთა დამოკიდებულება კოოპერატივების მიმართ და არსებული საჭიროებები; სასოფლო-სამეურნეო კოოპერატივების  განვითარების სააგენტოსა და მისი პროექტების ზეგავლენის შეფასება.

კვლევა განხორცილდა ევროკავშირის მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ხელშეწყობით, პროექტის ”მცირე ფერმერული კოოპერატივების მწარმოებლურობის გაძლიერება იმერეთისა და რაჭის რეგიონებში” ფარგლებში.

ევროკავშირი (EU) ხელს უწყობს სოფლად სიღარიბის შემცირებასა და სოფლის განვითარების თანამედროვე პრაქტიკის დანერგვას საქართველოში სოფლისა და სოფლის მეურნეობის განვითარების ევროპის სამეზობლო პროგრამის, ENPARD-ის დახმარებით. საქართველოში პროგრამა 2013 წლიდან ხორციელდება. დამატებითი ინფორმაცია იხილეთ ვებ-გვერდზე: www.enpard.ge

საკონტაქტო ინფორმაცია:

• თამარ ხუნწარია, ENPARD-ის საინფორმაციო ცენტრის ხელმძღვანელი, 595 989916, tamar.k@actionprgroup.com
• მარიამ ჯიბუტი, პროექტის მენეჯერი, 595 040801 m.jibuti@economists.ge