„მცირე ფერმერული კოოპერატივების მწარმოებლურობის გაძლიერება იმერეთსა და რაჭა ლეჩხუმის რეგიონებში“ არის  ENPARD-საქართველოს მიერ დაფინანსებული პროექტი, რომლის ერთ-ერთი განმახორციელებლი არის საქართველოს ახალგაზრდა ეკონომისტთა აოსციაცია. პროექტის საერთო მიზანია იმერეთსა და რაჭაში სოფლად სიღარიბის შემცირება. პროექტის მიზნობრივი ჯგუფებია ბიზნესზე ორიენტირებული ჯგუფების, კოოპერატივების, მცირე, ნახევრად-კომერციული ფერმერების, აგრობიზნესის წარმომადგენლების  და სოფლად მყოფი მეწარმეების პროდუქტიულობის და შემოსავლიანობის ზრდა. პროექტის ფარგლებში 23-მა სასოფლო სამეურნეო კოოპერატივმა მოიპოვა დაფინანსება, მათ შორის იყო კოოპერატივი "მშვილდი+";

პროექტის შესახებ თავდაპირველად გავიგე საინფორმაციო შეხვედრაზე, რომელსაც ჩვენს სოფელში მართავდნენ. ამის შემდგომ ხუთმა კომლმა გადავწყვიტეთ გავერთიანებულიყავით და შეგვექმნა კოოპერატივი, რომელიც სხვადასხვა ჯიშის ნერგებს გამოიყვანდა. ამჟამად საქმიანობაში ჩართული ვართ კოოპერატივის 5 წევრი, სეზონურად კი დამატებით 2-3 ადამიანს ვქირაობთ. ჩვენი მომხმარებლები ძირითადად გლეხები არიან, რომლებიც ვენახს აშენებენ. წელს 2000 ძირამდე ვენახი გამოვიყვანეთ და გავყიდეთ, შემდეგი წლისთვისაც უკვე გავქვს 1000 ძირის შეკვეთა.

პროექტში მონაწილეობამ, ბევრი რამ შეცვალა უკეთესობისკენ. ახლა გვყავს ტრაქტორი რომელიც შრომას გვიადვილებს  და საშუალებას გვაძლევს უფრო მეტი ნერგი ვაწარმოოთ. მომავალ კოოპერატივებს ვურჩევდი რომ იმ საქმეს მოკიდონ ხელი, რაშიც ყველაზე კარგი ცოდნა გააჩნიათ, ამასთან შრომისუნარიანობა და საქმის სიყვარული უნდა ჰქონდეთ და აუცილებლად მიაღწევენ წარმატებას. 

კოოპერატივის დირექტორი

რობერტ მშვილდაძე