29 ნოემბერს საქართველოს ახალგაზრდა ეკონომისტთა ასოციაციის ორგანიზებით ჩატარდა მესამე დებატები ეკონომიკაზე. „დებატები ეკონომიკაზე“ არის საეას შიდა პროექტი. დებატები ჩატარდა გუნდური პრინციპით, თითოეული უნივერსიტეტი წარმოადგენდა ერთ გუნდს, რომელიც შედგებოდა 4 წევრისგან. დებატებში მონაწილეობა მიიღეს შემდეგმა უნივერსიტეტებმა:

• თბილისის სახელმწიფო უნივერსიტეტი
• კავკასიის საერთაშორისო უნივერსიტეტი
• შავი ზღვის საერთაშორისო უნივერსიტეტი
• გორის სახელმწიფო სასწავლო უნივერსიტეტი

დებატების ქეისებად შერჩეული იყო საქართველოს ეკონომიკაში არსებული აქტუალური საკითხები. დებატებს აფასებდა კომპეტენტური ჟიური:

• ნიკო თევდორაშვილი (მარკეტინგული კომპანია TMG);
• თემურ მიმინოშვილი (რუსმეტალი);
• გიორგი ნანობაშვილი (გაეროს განვითარების პროგრამა).

დებატები ჩატარდა ორ ტურად, პირველ ტურში მონაწილეობას იღებდა ოთხი სხვადასხვა უნივერსიტეტის გუნდი, თუმცა ფინალურ ტურში მხოლოდ ორი მათგანი გადავიდა (თბილისის სახელმწიფო უნივერსიტეტი და კავკასიის საერთაშორისო უნივერსიტეტი) ფინალურ ეტაპზე თსუ-ს გუნდმა გაიმარჯვა.

დებატების ყველა მონაწილეს გადაეცა სერტიფიკატი, ხოლო გამარჯვებული გუნდის „თსუ“-ის თითოეულ წევრს: ნინო კერესელიძეს, ნინო ორაგველიძეს, მიხეილ მაკასარაშვილსა და აკაკი მალანიას გადაეცათ 200 ლარიანი სასწავლო ვაუჩერი.