2014 წლის 18 დეკემებრს საქართველოს ახალგაზრდა ეკონომისტთა ასოციაციის მიერ ჩატარებული ”ქალთა ეკონომიკური შესაძლებლობები და გამოწვევები” სამაგიდე კვლევის და ”სოფლად მცხოვრებ ქალთა ეკონომიკური საჭიროებები” რაოდენობრივი და თვისებრივი კვლევების შედეგების პრეზენტაცია გაიმართა.

სამაგიდე კვლევა მიზნად ისახავდა ქალთა ეკონომიკური მდგომარეობის  შეფასებას და სამეწარმეო შესაძლებლობების გამოვლენას. ძირითადი აქცენტი გაკეთდა სოფლად მცხოვრები ქალების წინაშე მდგარი გამოწვევების  იდენტიფიკაციაზე, ასევე რეკომენდაციების შემუშავებაზე, რომლებიც ხელს შეუწყობს უშუალოდ მათ ეკონომიკურ გაძლიერბას. ხოლო, რაოდენობრივი და თვისებრივი კვლევების ანგარიში წარმოადგენს გაერთიანებულ ანალიზს, რომელიც ასახავს ქალთა ეკონომიკური მდგომარეობას და სამეწარმეო შესაძლებლობებს სოფლად შემდეგ რეგიონებში:  კახეთი, იმერეთი, სამცხე-ჯავახეთი, და მცხეთა-თიანეთი.

პრეზენტაციაზე ასევე წარდგენილი იქნება პროექტის ფარგლებში შემუშავებული სახელმძღვანელო „ქალი ბიზნესში“, რომელიც გამიზნულია ქალებისთვის, რომლებიც არიან როგორც მოქმედი მეწარმეები, ასევე ბიზნესის დაწყების მსურველთათვის.

პრეზენტაციას ესწრებოდნენს საკანონმდებლო და აღმასრულებელი ხელისუფლების, საერთაშორისო და არასამთავრობო ორგანიზაციების, პოლიტიკური პარტიების, აკადემიური წრეებისა და მედიის წარმომადგენლები.

კვლევები განხორციელდა საქართველოს ახალგაზრდა ეკონომისტთა ასოციაციის მიერ, ამერიკის შეერთებული შტატების განვითარების სააგენტოს (USAID) და ქალთა საინფორმაციო ცენტრის (WIC) მხარდაჭერით პროექტის ”ქალები, როგორც აქტორები ცვლილებებისა და გაძლიერებისთვის” ფარგლებში.