2014 წლის 15 დეკემბერს ქ. ბორჯომის გამგეობაში, საქართველოს ახალგაზრდა ეკონომისტთა ასოციაციის ორგანიზებით პროექტის „მოქალაქეთა თანამონაწილეობა პროგრამული ბიუჯეტირების პროცესში მუნიციპალურ დონეზე“ ფარგლებში გაიმართა დასკვნითი  შეხვედრა. შეხვედრაზე  განიხილეს 2015 წლის ადგილობრივ ბიუჯეტში შესული ცვლილებები.  კერძოდ 2015 წლის ადგილობრივი ბიუჯეტის  ფარგლებში მოხდება ოთხი ბაგა-ბაღის სრული რეაბილიტაცია შესაბამისი სტანდარტების მიხედვით, ხოლო ტენდერებიდან დარჩენილი თანხის ნაშთით სხვა ბაგა-ბაღებისთვის ინვენტარის შეძენა.  ყვიბისისა და დვირის ტერიტორიულ ერთეულებში კი მოხდება შიდა გზებისა და სასმელი წყლის სიტემის რეაბილიტაცია.

შეხვედრაში მონაწილეობას იღებდნენ თვითმმართველობის წარმომადგენლები, მათ შორის: ბორჯომის მუნიციპალიტეტის გამგებლის მოადგილეები, საკრებულოს  წარმომადგენლები,  ფინანსური სამსახურის ხელმძღვანელი, კულტურის სამსახურის ხელმძღვანელი, ბაგა-ბაღების გაერთიანებების ხელმძღვანელი;  ასევე პროგრამის ბენეფიციარები: ბაგა-ბაღების მენეჯერები, აღმზრდელები, მშობლები აგრეთვე ყვიბისისა და დვირის ტერიტორიული ერთეულის მაცხოვრებლები.

პროექტი ხორციელდება GIZ-ის ფინანსური მხარდაჭერით.